Einsteiniom

Elven gymyk synthetek yw einsteiniom, niver 99 y'n Vosen Beriodek. Y furvell gymyk yw Es. Henwys veu dhe enora an fysegydh Albert Einstein (1879-1955), neb a waynyas an Pewas Nobel rag fysegieth yn 1921. Ny gevys yw einsteiniom a-ves dhe arbrovjiow hwithrans drefen y radyoweythresans peryllus. Diskudhys veu einsteiniom yn skullyon tardh 'Mike', hanow kod an danbellen hidrojen gynsa yn atol Eniwetok (y'n Keynvor Hebask) yn 1952. Godhonydhyon a yll askorra einsteiniom dre vombardya atomow nywtrons bys dhe blutoniom-239. Nyns eus devnydh vyth dhe einsteiniom. Alkan medhel arghansek radyoweythresek yw einsteiniom gans 19 isotop. An hanter bewnans hirra yw dhe einsteiniom-252, h.y. 472 dydh.